Andri

Google ætlar gefa út open source vafra með WebKit vélinni og nýrri JavaScript VM sem þeir eru að láta smíða. Hægt er að lesa allt um það í Google Chrome teiknimyndabókinni.

Vafrinn verður þannig að hver síða keyrir á eigin þræði sem gerir Google kleyft að mæla og sýna notendum hvað hvert vefsvæði er að eyða miklu minni og cpu. John Resig (jQuery) skrifar áhugaverðan póst um að þetta ætti eftir að setja meiri pressu á forritar til að standa sig og skrifa betri og léttari vefsíður.

Google Chrome, Google’s Browser Project

Apple fyrirtækið er nokkuð merkilegt vegna þess að þeim virðist auðvelt að herja á mismunandi markaði með sínum vörum. Sennilega er það Steve Jobs að þakka en undanfarin ár hefur hann komið sér inní tónlistina með iTunes og iPod en Apple er nú einn stærsti söluaðili á stafrænni tónlist í heiminum. Sama má segja um iPhone, með einu tæki tekst honum að ná stórum bita af sölu þráðlausra símtækja. Hvað veldur?

Eins og margir benda á, hefur iPhone í raun ekkert framyfir aðra síma nema þá kannski eitt og það er hönnun. Apple hefur lagt mikið uppúr því að hanna viðmót og hefur skapað sér reynslu með iPod sem þótti takast mjög vel. Gömlu símaframleiðendurnir hafa einmitt lengi þótt heldur aftarlega í viðmótshönnun og nytsemi. Tilkoma iPhone verður kannski til þess að ýta aðeins við þeim því hérna vantar talsvert uppá.

Ég hef líka tekið eftir því að fólk skiptist í hópa með og á móti iPhone. Þá tek ég sérstaklega eftir því að sumir karlmenn horfa mikið á hvaða tækni er í símanum eins og GPRS, G3 og EDGE en virðast algjörlega líta framhjá því hversu auðvelt er að nota þessa sömu tækni og finnst þá nákvæmlega ekkert merkilegt við þennan iPhone, sem virðist gera allt það sama og Motorola eða Sony Ericsson símarnir. Munurinn er að iPhone gerir þessa sömu hlut auðveldari í notkun.

Samkvæmt frétt sem ég rakst á fyrir tilviljun verða iPhone notendur að vera með iTunes Music Store reikning til að nota símann. Ef þetta er rétt þá minka líkurnar á því að gripurinn komi á klakann töluvert mundi ég halda. Ennþá er ekki komið í ljós hvaða símafyrirtæki fær að selja tækið í Evrópu en menn eru enn að hallast að Vodafone.

Apple’s iPhone iTunes ID set-up demand

Á TUAW er frétt um að Apple ætli kannski að velja Vodafone sem söluaðila fyrir evrópu, góðar fréttir fyrir okkur á Íslandi. Ekkert ákveðið enn sem komið er. Pritty please :)

Still no iPhone provider in Europe

Framtíðin lítur ekki vel út fyrir Bill Gates þessa dagana, Windows XP seldist meira en Vista fyrstu vikuna í sölu. Sumir gagnrýnendur hafa farið frekar hörðum orðum um nýja stýrikerfið og kallað það t.d “a fading theme park with a few new rides” og “mildly annoying at best and at worst makes you want to rush to Redmond and rip somebody’s liver out”. Flestir nýju hlutana í Vista virðast líka vera teknir úr smiðju Steve Jobs og hafa Apple notendur notið sömu þæginda síðan um aldamótin síðustu. Ef fyrirtækið væri ekki svona gríðar stórt og með allan pening í heiminum til þess að breiða yfir ósköpin væru þeir löngu orðnir aukaleikarar í tölvu bransanum.

Sales of boxed Vista copies down over XP