Textasmíði og önnur gerð efnis fyrir vefinn hefur aldrei fengið sömu athyggli og aðrir þættir vefbransans eins og vefhönnun, hvað þá tæknin. Ég spái því að þetta eigi eftir að breytast á næstu árum og textasmiðir fái loks uppreisn æru. Pennar með þekkingu á netinu, leitarvélum og markaðssetningu verða eftirsóttir þegar fyrirtæki átta sig á þeim tækifærum sem felast í því að skrifa og gefa út nýtt og ferskt efni í netið í meira mæli.
Kristján Gunnarsson, sérfræðingur í vefmælingum
Ekkert virðist efla Tryggva Þór þingmann Sjálfstæðisflokksins jafn mikið og hugmyndir um að skattleggja ofurlaun. Það kemur auðvitað lítið á óvart að Tryggvi bregðist svona harkalega við þegar á að ræða hvernig ríkafólkið í landinu gæti komið að enduruppbyggingu landsins. Tryggvi Þór, sem hlítur að teljast með huglausari bloggurum landsins, leyfir ekki athugasemdir við skrif sín svo ég skrifa honum þá bara svar hérna í staðinn.
Tryggvi skrifar í dag annað blogg um ofurlaunamálið þar sem hann gerir að aðalatriði að um 3.500 einstaklingar séu með meira en eina milljón í mánaðarlaun. Tryggi gerir auðvitað enga tilraun til að reikna út hugsanlegar skatttekjur sem fengjust með því að leggja ofurlaunaskatt á þetta fólk en með einföldum margföldunarreikningi má fá út tölur sem hlaupa á tugum milljarða.
Málflutningur Tryggva er ótrúlega máttlaus og sensasjónaliskur þegar hann er skoðaður betur, tölur eins og 3.500 eiga að sannfæra okkur um að tilgangslaust sé að leggja á ofurlaunaskatt vegna þess að 3.500 er ekkert svakalega stór tala. Eins vill Tryggvi ríghalda í tölur sem Ólína Þorvarðardóttir nefndi á blogginu sínu en hefur síðan viðurkennt að væru of háar og talar nú fyrir stig hækkandi ofurlaunaskatti. Munurinn er sá að Ólína er að velta fyrir sér lausnum á meðan Tryggvi er bara á móti og beitir hræðsluáróðri til að drepa niður umræður.
Áhugaleysi Tryggva Þórs og félaga hans í Sjálfstæðisflokknum til að ræða þetta mál heiðarlega er auðvitað engin ráðgáta. Rétt eins og systurflokkurinn í Bandaríkjunum berjast Tryggvi og félagar hatrammri báráttu fyrir hagsmunum sérhagsmunahópa í þjóðfélaginu. Það er ekkert leyndarmál að Sjálfstæðisflokkurinn er flokkur fjármagnseiganda, ofurlaunafólks og annarra yfirstéttarhópa.
Það sem góð bylting þarf eru skýrar og vel skilgreindar kröfur. Mótmæli þar sem enginn getur komið sér saman um sameiginlegar kröfur eru gagnslaus. Það er alltaf að koma betur í ljós hversu lítið hefur breyst eftir hrunið. Sumir segja að við höfum ekkert lært, sennilega er það rétt.
Ef blásið yrði til mótmæla á morgun væri áhugavert að vela fyrir sér kröfunum. Hérna er það sem mér finnst helst vanta:
Hverjar eru þínar kröfur?
Almenningur í Egyptalandi hefur ákveðið að taka örlögin í sínar eigin hendur og feta í fótspor Túnisa. Undanfarna daga hafa Egyptar staðið fyrir kröftugum mótmælum gegn forseta landsins, Hosni Mubarak. Egyptar búa við ómannúðlegar aðstæður, grundvallar mannréttindi svo sem málfrelsis, trúfrelsi, félagafrelsi er af skornum skammti og aðgangur að upplýsingum er verulega heftur. Nokkrir mótmælendur hafa þegar látið lífið og mikil hætta er á að stjórnvöld hafi skipað öryggissveitum og lögreglu að taka harkalega á þeim sem ætla að taka þátt í uppreisninni. Í landinu á að ríkja forsetaræði en herlögum sem komið var á fyrir meira en þrjátíu árum hafa aldrei verið afnumin. Pyntingar eru daglegt brauð auk þess sem lögreglan í landinu beitir miklu harðræði við að bæla niður alla andstöðu við forsetann. Það er skylda okkar að styðja baráttu Egypta fyrir betra lífi. Við skorum á Jóhönnnu Sigurðardóttur og ríkistjórn Íslands að krefjast þess að stjórnvöld í Egyptalandi hlusti á kröfur almennings auk þess skorum við á ríkisstjórnina að fordæma harðlega ritskoðun, glæpsamlegt harðræði og frelsisskerðingu sem Hosni Mubarak og stjórn hans eru ábyrg fyrir.
